ការបោសសម្អាត និងការកម្ទេចចោល

ចាប់តាំងពីការបង្កើតឡើងក្នុងខែមិថុនា ឆ្នាំ1992 ផលិតភាពនៃការបោសសម្អាតរបស់ CMAC ជាមធ្យមបានចំនួនប្រហែល 12គីឡូម៉ែត្រការ៉េ ក្នុងមួយឆ្នាំ ហើយអត្រានេះបានកើនឡើងជិតទ្វេដងដល់ 22គីឡូម៉ែត្រការ៉េ ក្នុងឆ្នាំ2005 ដោយសារតែការមកដល់ និងការអនុវត្តការដោះមីនដោយប្រើគ្រឿងចក្រ ហើយបានកើនឡើងបន្ថែមទៀតក្នុងឆ្នាំបន្តបន្ទាប់ទៀតដល់ប្រហែល 40គីឡូម៉ែត្រការ៉េ ក្នុងមួយឆ្នាំរហូតមកដល់ឆ្នាំ2009។ ដូច្នេះហើយ វាជាភស្តុតាងដែលបញ្ជាក់ថា ការប្រើប្រាស់គ្រឿងចក្រដើម្បីដោះមីន អាចបង្កើនល្បឿនការងាររបស់អ្នកដោះមីនដោយដៃ និងធ្វើឱ្យវាមានសុវត្ថិភាពជាងមុន ដែលទាំងនេះជាមូលហេតុ បណ្ដាលឲ្យល្បឿននៃការបោសសម្អាត មានការកាន់ឡើងយ៉ាងខ្លាំង។

សត្វសុនខហិតមីន (MDD)

ចាប់តាំងពីការបង្កើតឡើងក្នុងខែមិថុនា ឆ្នាំ1992 ផលិតភាពនៃការបោសសម្អាតរបស់ CMAC ជាមធ្យមបានចំនួនប្រហែល 12គីឡូម៉ែត្រការ៉េ ក្នុងមួយឆ្នាំ ហើយអត្រានេះបានកើនឡើងជិតទ្វេដងដល់ 22គីឡូម៉ែត្រការ៉េ ក្នុងឆ្នាំ2005 ដោយសារតែការមកដល់ និងការអនុវត្តការដោះមីនដោយប្រើគ្រឿងចក្រ ហើយបានកើនឡើងបន្ថែមទៀតក្នុងឆ្នាំបន្តបន្ទាប់ទៀតដល់ប្រហែល 40គីឡូម៉ែត្រការ៉េ ក្នុងមួយឆ្នាំរហូតមកដល់ឆ្នាំ2009។ ដូច្នេះហើយ វាជាភស្តុតាងដែលបញ្ជាក់ថា ការប្រើប្រាស់គ្រឿងចក្រដើម្បីដោះមីន អាចបង្កើនល្បឿនការងាររបស់អ្នកដោះមីនដោយដៃ និងធ្វើឱ្យវាមានសុវត្ថិភាពជាងមុន ដែលទាំងនេះជាមូលហេតុ បណ្ដាលឲ្យល្បឿននៃការបោសសម្អាត មានការកាន់ឡើងយ៉ាងខ្លាំង។

សត្វកណ្ដុរហិតមីន (MDR)

សត្វកណ្ដុរហិតមីន (MDR) គឺជាមធ្យោបាយវិធីសាស្រ្តថ្មី សម្រាប់ប្រតិបត្តិការបោសសម្អាតរបស់CMAC ។ សត្វកណ្ដុរមានដើមកំណើតនៅ សាធារណរដ្ឋតង់ហ្សានី ដែលជាប្រទេសអាហ្វ្រិកខាងកើតជាប់នឹងមហាសមុទ្រឥណ្ឌា។ មានសត្វកណ្ដុរហិតមីនចំនួន 15ក្បាល បានមកដល់ប្រទេសកម្ពុជាជាលើកដំបូង នៅថ្ងៃទី 27 ខែមេសា ឆ្នាំ2015 ហើយសត្វកណ្ដុរហិតរាវរកមីនជាច្រើនទៀត បានមកដល់ក្នុងឆ្នាំបន្តបន្ទាប់ទៀត។
គិតត្រឹមខែធ្នូ ឆ្នាំ2023 CMACសហការជាមួយAPOPO បានដាក់ពង្រាយសត្វកណ្តុរចំនួន 42ក្បាល និងបញ្ចូលទៅក្នុងក្រុមសត្វកណ្ដុរហិតមីនចំនួន 3ក្រុម (ដែលក្នុងនោះមានបុគ្គលិកកាន់សត្វកណ្ដុរហិតមីនចំនួន 10នាក់) ដើម្បីធ្វើការបោសសម្អាតនៅខេត្តព្រះវិហារ (កងឯកភាពកម្ចាត់មីនទី6) និងខេត្តសៀមរាប (កងឯកភាពកម្ចាត់មីនទី4)។ ក្រុមការងារសត្វកណ្ដុរហិតរាវរកមីន ទាំងបីក្រុមបានធ្វើការលើផ្ទៃដីសរុបចំនួន 16,165,676 ម៉ែត្រការ៉េ ដោយបានរកឃើញ និងរំដោះគ្រាប់មីនចំនួន 667គ្រាប់ យុទ្ធភណ្ឌមិនទាន់ផ្ទុះចំនួន 592គ្រាប់ និងគ្រាប់បែកចង្កោមចំនួន 60គ្រាប់។ សមិទ្ធិផលបោសសម្អាតដែលធ្វើឡើងដោយក្រុមសត្វកណ្ដុរហិតរាវរកមីន បានផ្តល់អត្ថប្រយោជន៍ដល់ប្រជាពលរដ្ឋចំនួន 3,834គ្រួសារ ស្មើនឹង 14,967នាក់។

ការកម្ទេចយុទ្ធភណ្ឌមិនទាន់ផ្ទុះ (EOD)

ការកម្ទេចយុទ្ធភណ្ឌមិនទាន់ផ្ទុះ (EOD) គឺជាសកម្មភាពដែលធ្វើឡើង ដើម្បីលុបបំបាត់នូវ ជាតិផ្ទុះដែលបង្កគ្រោះថ្នាក់។ ហើយផ្នែកការកម្ទេចយុទ្ធភណ្ឌមិនទាន់ផ្ទុះ អាចត្រូវបានរកឃើញថាធ្វើការបោសសម្អាតជាច្រើន។ ទោះជាយ៉ាងណាក៏ដោយ ការកម្ទេចយុទ្ធភណ្ឌមិនទាន់ផ្ទុះ សម្ដៅទៅលើ ការកម្ទេចចោលនូវកាកសំណល់ជាតិផ្ទុះពីសង្គ្រាម (ERW) ដែលត្រូវបានរកឃើញដោយផ្នែកផ្សេងទៀតនៃសកម្មភាពកម្ចាត់មីនដូចជា ការបោសសម្អាតតំបន់សមរភូមិ (BAC) ឬការដោះមីន។ ការកម្ទេចយុទ្ធភណ្ឌមិនទាន់ អាចអន្តរាគមន៍តាមរយៈសំណើជនស៊ីវិល ដែលបានរកឃើញវត្ថុផ្ទុះផងដែរ ហើយអាចនឹងត្រូវបានកម្ទេចនៅក្នុងទីតាំងរកឃើញផ្ទាល់តែម្ដង ឬដោយមធ្យោបាយសុវត្ថិភាពដឹកជញ្ជូនតាមរយៈការប្រើបច្ចេកទេសផ្សេងៗ។

ក្នុងឆ្នាំ2013 អង្គភាពពិសេសនៃប្រតិបត្តិការក្រោមទឹក (SUUO) ត្រូវបានបង្កើតឡើង ដោយ CMAC គឺជាប្រការដ៏សំខាន់មួយ ក្នុងការលើកកម្ពស់សុវត្ថិភាព និងសន្តិសុខផ្លូវទឹកក្នុងប្រទេស។ ដោយមានការគាំទ្រដ៏សំខាន់ផ្នែកបច្ចេកទេស ពីរដ្ឋាភិបាលសហរដ្ឋអាមេរិក ក្នុងដំណាក់កាលបណ្តុះបណ្តាលដំបូងរបស់ខ្លួន អង្គភាពពិសេសនៃប្រតិបត្តិការក្រោមទឹក បានអភិវឌ្ឍយ៉ាងរឹងមាំនូវ
សមត្ថភាព និងជំនាញរបស់ខ្លួន។ ក្រោយមកអង្គភាពត្រូវបានប្រគល់ការទទួលខុសត្រូវ ដោយរាជរដ្ឋាភិបាលកម្ពុជា ជាមួយនឹងទំនួលខុសត្រូវសំខាន់ក្នុងការអនុវត្ត
ប្រតិបត្តិការបោសសម្អាតក្រោមទឹកគ្របដណ្តប់ដោយភាពស្មុគស្មាញ ដោយទទួលបានមកវិញនូវ ការរកឃើញគ្រាប់យុទ្ធភណ្ឌមិនទាន់ផ្ទុះក្រោមទឹក (UXO) និងគ្រឿងអាវុធយុទ្ធភណ្ឌដែលគេបោះបង់ចោល (AXO) ការស្វែងរក និងការបោសសម្អាតផ្សេងៗដូចជា កប៉ាល់ដែលបានលិច ស្ពានដែលបានបាក់ ការប្រមូលភ័ស្តុតាងផ្សេងៗ ការទាញយកកប៉ាល់ដែលជាប់គាំង ការសង្គ្រោះយន្តហោះដែលបានធ្លាក់ រចនាសម្ព័ន្ធដែលបានខូចខាត និងការរុករកសង្គ្រោះមនុស្ស ព្រមទាំងបេសកកម្មសង្គ្រោះឯកជនដទៃទៀត។