មជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់) នៅតែប្តេជ្ញាចិត្តចំពោះបេសកកម្មរបស់យើងគឺ “ការសង្គ្រោះជីវិត និងគាំទ្រការអភិវឌ្ឍន៍សម្រាប់កម្ពុជា”។
នេះជាឆ្នាំដ៏សំខាន់សម្រាប់កម្ពុជា។ នៅចុងឆ្នាំនេះ CMAC នឹងគាំទ្រដល់រាជរដ្ឋាភិបាលកម្ពុជា និងអាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន (CMAA) ក្នុងការធ្វើជាម្ចាស់ផ្ទះនៃកិច្ចប្រជុំប្រចាំឆ្នាំលើកទី 11 នៃរដ្ឋភាគីនៃអនុសញ្ញាហាមឃាត់មីនប្រឆាំងមនុស្ស។ ក្នុងអំឡុងពេល នេះ យើងនឹងស្វាគមន៍សហគមន៍អន្តរជាតិមកកាន់ដែនដីរបស់យើង ដើម្បីអបអរសាទរការរីកចម្រើននៅជុំវិញពិភពលោកក្នុងវិស័យសកម្មភាពមីន និងដើម្បីបង្ហាញពីបច្ចេកទេស និងវិធីសាស្រ្តដែលត្រូវបានត្រួសត្រាយក្នុងប្រទេសកម្ពុជា។ របាយការណ៍ខាងក្រោមបង្ហាញពីវឌ្ឍនភាពរបស់យើងក្នុងវិស័យទាំងនេះក្នុងអំឡុងពេលប្រាំមួយខែដំបូងនៃឆ្នាំ 2011។
តាមទស្សនៈប្រតិបត្តិការ ឆមាសទីមួយនៃឆ្នាំ 2011 បានបង្ហាញនូវបញ្ហាប្រឈមយ៉ាងខ្លាំងសម្រាប់ CMAC ។ ដោយសារកង្វះខាតថវិកា និងការយឺតយ៉ាវ ការផ្តល់ថវិកាដល់បុគ្គលិក CMAC ជាច្រើននាក់ ត្រូវបានបញ្ជាឱ្យផ្អាកការងារជាបណ្តោះអាសន្ន។ លើសពីនេះ ការប្រើប្រាស់គ្រាប់បែកចង្កោមក្នុងខេត្តព្រះវិហារ បានរារាំងដល់ប្រតិបត្តិការដែលមានស្រាប់នៅក្នុងតំបន់ និងតម្រូវឱ្យមានការបង្វែរធនធានបន្ថែម។ ទោះបីជាមានបញ្ហាប្រឈមសំខាន់ៗទាំងនេះក៏ដោយ ពួកយើងបានបន្តធ្វើឱ្យមានវឌ្ឍនភាពពិតប្រាកដលើផ្នែកមួយចំនួន ។ ចាប់ពីខែមករា ដល់ខែមិថុនា ឆ្នាំ២០១១ មានគម្រោងចំនួន៣០ ត្រូវបានអនុវត្ត ដែលក្នុងនោះ ១០គម្រោងត្រូវបានបញ្ចប់ និង២០គម្រោងកំពុងដំណើរការ។ តាមរយៈគម្រោងទាំងនេះ CMAC បានរកឃើញ និងបំផ្លាញចោលនូវគ្រាប់យុទ្ធភ័ណ្ឌមិនទាន់ផ្ទុះចំនួនជាង ៤៨, ២២២ គ្រាប់ នៃគ្រាប់បែកចង្កោមទាំងអស់ ក្នុងនោះ ៣៣ គ្រាប់ត្រូវបានបោសសម្អាតនៅព្រះវិហារ។ ជាលទ្ធផលបោសសម្អាតផ្ទៃដីជូនប្រជាជនកម្ពុជាសរុប ២៣.៤៧១.៧៣២ ម៉ែត្រការ៉េ។
បន្ថែមពីលើ សកម្មភាព ប្រតិបត្តិការស្តង់ដាររបស់យើង យើងកំពុងចូលរួមជាមួយសហគមន៍តាមវិធីមួយចំនួនទៀត។ ស៊ីម៉ាក់ បានប្តេជ្ញាចិត្ត ដោយមានការគាំទ្រពីសេវាកម្មសកម្មភាពកំចាត់មីនជប៉ុន (JMAS) ក្នុងការអនុវត្តគម្រោងការស្ថាបនាភូមិសុវត្ថិភាព (SVC) ក្នុងគោលបំណងបោសសម្អាត និងគាំទ្រតាមគោលដៅ ដើម្បី ជួយសម្រួលដល់ការសាងសង់ និងអភិវឌ្ឍន៍ហេដ្ឋារចនាសម្ព័ន្ធសំខាន់ៗដូចជា៖ អគារសិក្សា ការសាងសង់ផ្លូវ ការជួសជុលផ្លូវ និងតាមរយៈការជីកស្រះ អណ្តូង លូ និងផ្លូវទឹក។ យើងកំពុងផ្តល់អំណាចដល់សហគមន៍ តាមរយៈការអប់រំអំពីហានិភ័យមីន (MRE) និងគម្រោងការដោះមីនដោយសហគមន៍ (CBD) ដើម្បីចូលរួមក្នុងការផ្សព្វផ្សាយការយល់ដឹង និងការបង្រៀនអំពីបច្ចេកទេសដោះមីនត្រឹមត្រូវ។
ជាពិសេស កម្ពុជាមានមោទនភាពដែលមានកម្មវិធីសម្រាប់រួមបញ្ចូលសកម្មភាពកម្ចាត់មីន និងជួយជនរងគ្រោះដោយសារមីន (The Peace -building Project) ក្រោមជំនួយឥតសំណងរបស់ប្រទេសជប៉ុនសម្រាប់ការទប់ស្កាត់ជម្លោះ និង ការកសាងសន្តិភាព ដែលជាកម្មវិធីរយៈពេល 3 ឆ្នាំ ដោយចាប់ផ្តើមពីខែមករា ឆ្នាំ 2010។ មានគោលបំណងពន្លឿនការដោះ និងការបំផ្លាញគ្រាប់មីន និងលើកកំពស់ជីវភាពរស់នៅរបស់ប្រជាពលរដ្ឋមូលដ្ឋានដែលរស់នៅក្នុងតំបន់ដែលមានរងផលប៉ះពាល់ដោយសារមីន។ នេះនឹងសម្រេចបានតាមរយៈជំនួយសហគមន៍ និងការលើកកម្ពស់ការប្រើប្រាស់ដីប្រកបដោយផលិតភាពនៅក្នុងតំបន់រងគ្រោះដោយសារមីននៅជនបទបន្ទាប់ពី ការបោសសម្អាត មីន ។
យើងបន្តត្រួសត្រាយផ្លូវថ្មី ដោយបង្កើតបទដ្ឋានប្រតិបត្តិការ (SOPs) សម្រាប់ការបោសសំអាតសំណល់ជាតិផ្ទុះពីសង្គ្រាម (ERW) ក្រោមទឹក កម្មវិធីសុនខរត់ដោយសេរី និងកម្មវិធីបង្កាត់ពូជសុនខ។
ការធ្វើការក្នុងភាពជាដៃគូ និងការចែករំលែកការអនុវត្តល្អបំផុត បន្តដើរតួយ៉ាងសំខាន់ក្នុងការងាររបស់ស៊ីម៉ាក់។ នៅក្នុងខែមិថុនា យើងបានរៀបចំវគ្គបណ្តុះបណ្តាលលើកទីបី និងលើកចុងក្រោយ រវាងប្រទេសកូឡុំប៊ីនិងកម្ពុជា ស្តីពីការពង្រឹងកម្មវិធី The Presidential Program for Comprehensive Action against Antipersonnel Mines (PAICMA)។ នៅពាក់កណ្តាលឆ្នាំចុងក្រោយនេះ យើងនឹងរៀបចំសិក្ខាសាលាស្តីពីការកាត់បន្ថយផ្ទៃដីចម្ការមីន ដើម្បីបង្ហាញពីវឌ្ឍនភាពដ៏ល្អដែលបានធ្វើឡើងនៅក្នុងតំបន់នេះ ក៏ដូចជាការរៀបចំសិក្ខាសាលាស្តីពីវិស័យសកម្មភាពគ្រាប់ មីននិង គ្រាប់យុទ្ធភណ្ឌ រវាងប្រទេសឡាវ និងកម្ពុជា ដែលសម្របសម្រួលដោយទីភ្នាក់ងារកិច្ចសហប្រតិបត្តិការអន្តរជាតិជប៉ុន (JICA) ។
ជាការពិតណាស់ អ្វីៗទាំងអស់ខាងលើនេះ នឹងមិនអាចទៅរួចនោះទេ ប្រសិនបើគ្មានការគាំទ្រពីសហគមន៍អន្តរជាតិ និងដៃគូសំខាន់ៗរបស់យើង គឺរាជរដ្ឋាភិបាលកម្ពុជា អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន (CMAA) គណៈកម្មាធិការសកម្មភាពមីនខេត្ត (PMAC) អង្គភាពផែនការសកម្មភាពមីន (MAPU) អាជ្ញាធរមូលដ្ឋាន និងម្ចាស់ជំនួយដ៏សប្បុរសរបស់យើង។ ខ្ញុំសូមថ្លែងអំណរគុណយ៉ាងជ្រាលជ្រៅបំផុតចំពោះដៃគូទាំងនេះសម្រាប់ការគាំទ្រជាបន្តបន្ទាប់។
ជាចុងក្រោយ ខ្ញុំសូមឆ្លៀតឱកាសនេះ ថ្លែងអំណរគុណយ៉ាងស្មោះស្ម័គ្រចំពោះ បុគ្គលិក ទាំងអស់ នៅ CMAC ចំពោះការយកចិត្តទុកដាក់ និងការប្តេជ្ញាចិត្តបន្តឆ្ពោះទៅរកគោលដៅនៃប្រទេសកម្ពុជាគ្មានមីន។
ឯកឧត្តម ហេង រតនា