កិច្ចការបរទេស និងកិច្ចសហប្រតិបត្តិការអន្តរជាតិ

មជ្ឈមណ្ឌលសកម្មភាពកំចាត់មីនកម្ពុជា (CMAC) ចូលរួមយ៉ាងសកម្មក្នុងកិច្ចការបរទេស ដើម្បីពង្រឹងភាពជាដៃគូ ធានាបាននូវមូលនិធិ និងជម្រុញកិច្ចសហប្រតិបត្តិការអន្តរជាតិ ក្នុងសកម្មភាព មីន។ CMAC សហការយ៉ាងជិតស្និទ្ធជាមួយភាគីពាក់ព័ន្ធនានា រួមទាំងរដ្ឋាភិបាលជាតិ អង្គភាពអន្តរជាតិ អង្គការក្រៅរដ្ឋាភិបាល និងទីភ្នាក់ងារផ្តល់ជំនួយ ដើម្បីគាំទ្រដល់កិច្ចខិតខំប្រឹងប្រែងបោសសម្អាតមីន និងការកសាងសមត្ថភាពរបស់ខ្លួន។ តាមរយៈភាពជាដៃគូទាំងនេះ CMAC អាចទទួលបាននូវធនធាន ជំនាញបច្ចេកទេស និងការគាំទ្រគោលនយោបាយ ដែលមានសារៈសំខាន់ សម្រាប់ការពង្រីកប្រតិបត្តិការរបស់ខ្លួន និងបង្កើនប្រសិទ្ធភាពនៃបេសកកម្មរបស់ខ្លួន។ លើសពីនេះទៀត CMAC ចូលរួមក្នុងវេទិកាសកល និង ការផ្តួចផ្តើមគំនិតស្តីពីការដោះមីនមនុស្សធម៌ ដើម្បីចែករម្លែកការអនុវត្តល្អបំផុត និងតស៊ូមតិ សម្រាប់ការបន្តការប្តេជ្ញាចិត្តជាអន្តរជាតិ ចំពោះការបោសសម្អាតមីន និងការស្តារឡើងវិញក្រោយជម្លោះ ឬសង្គ្រាម។

មជ្ឈមណ្ឌលសកម្មភាពកម្ចាត់មីនកម្ពុជា (CMAC) ពង្រីកជំនាញរបស់ខ្លួនក្នុងការដោះមីន តាមរយៈបេសកកម្មនៅក្រៅប្រទេស ការចែករំលែកបទពិសោធន៍ និងជំនាញរបស់ខ្លួនជាមួយប្រទេសដទៃទៀត ដែលរងផលប៉ះពាល់ដោយគ្រាប់មីន និងសំណល់ជាតិផ្ទុះពីសង្គ្រាម។ ក្រុមការងារ CMAC ត្រូវបានដាក់ពង្រាយ ដើម្បីជួយដល់កិច្ចខិតខំប្រឹងប្រែង ក្នុងវិស័យសកម្មភាពមីនអន្តរជាតិ ការផ្តល់ជំនួយបច្ចេកទេស ការបណ្តុះបណ្តាល និងការកសាងសមត្ថភាពដល់អង្គភាពក្នុងស្រុក។ បេសកកម្មទាំងនេះ មិនត្រឹមតែរួមចំណែកដល់គំនិតផ្តួចផ្តើមការដោះមីនជាសកលប៉ុណ្ណោះទេ ប៉ុន្តែថែមទាំងពង្រឹងសមត្ថភាពផ្ទាល់ខ្លួនរបស់ CMAC តាមរយៈការជម្រុញការផ្លាស់ប្តូរចំណេះដឹង និងកិច្ចសហប្រតិបត្តិការ។ តាមរយៈការចូលរួមបេសកកម្មនៅក្រៅប្រទេស CMAC ពង្រឹងតួនាទីរបស់កម្ពុជា ក្នុងនាមជាអ្នកដឹកនាំក្នុងការដោះមីនមនុស្សធម៌ លើកកម្ពស់បរិស្ថានដែលមានសុវត្ថិភាព និងធានាសុវត្ថិភាពបន្ថែមទៀត នៅក្នុងតំបន់ក្រោយជម្លោះ ឬក្រោយសង្គ្រាមផ្សេងទៀត។