ការពង្រាយកំលាំង និងគម្រោង

គម្រោងទ្វេភាគី៖

គម្រោងផ្តល់មូលនិធិទ្វេភាគី គឺជាធាតុផ្សំដ៏សំខាន់នៃកិច្ចសហប្រតិបត្តិការអភិវឌ្ឍន៍ និងជំនួយរវាងប្រជាជាតិនានា។ គ្រោងការណ៍ទាំងនេះអនុញ្ញាតឱ្យមានគម្រោងជាក់លាក់មួយ ត្រូវបានបង្កើតឡើង និងអនុវត្តជាមួយប្រទេសជាដៃគូ ដោយផ្តល់នូវការគាំទ្រដែលសមស្រប ដើម្បីដោះស្រាយតម្រូវការមនុស្សធម៌ជាក់លាក់។

គម្រោងដេញថ្លៃ៖

កិច្ចខិតខំប្រឹងប្រែងដោះមីនដែលផ្តួចផ្តើមដោយអាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន (CMAA) ក្នុងការសម្របសម្រួលជាមួយប្រតិបត្តិករដោះមីនជាតិ និងអង្គការក្រៅរដ្ឋាភិបាលនានា គឺជាចំណុចសំខាន់នៃគម្រោងដែលកំពុងដំណើរការក្នុងឆ្នាំ 2023។ ដំណើរការដេញថ្លៃអាចទទួលជោគជ័យ ដោយធានានូវស្តង់ដារសេវាកម្មគុណភាពនៃការដោះមីន និងផ្តល់ឱកាសការងារសម្រាប់អង្គភាពនានាដូចជា CMAC ដើម្បីបង្ហាញពីឧបករណ និងជំនាញកម្រិតខ្ពស់របស់ពួកគេក្នុងតម្លៃទាបជាង។ តួយ៉ាងក្នុងករណីរបស់ CMAC មានការផ្ដល់ជូននូវឧបករណ៍ទំនើប ជាមួយជំនាញរបស់ខ្លួន និងសេវាដោះមីន ដែលមានគុណភាពខ្ពស់ ក្នុងតម្លៃទាបជាង ដែលកត្តាទាំងនេះអាចបណ្ដាលឲ្យ CMAC ទទួលយកបានការដេញថ្លៃជោគជ័យ។

គម្រោងកិច្ចសន្យា

ក្រៅពីសកម្មភាពដោះមីនក្នុងដែនសមត្ថកិច្ចរបស់ខ្លួន CMAC ក៏ដើរតួយ៉ាងសំខាន់ ក្នុងការផ្តល់សេវាកម្មតាមកិច្ចសន្យា ដើម្បីគាំទ្រដល់ប្រតិបត្តិករដោះមីនផ្សេងទៀត លើកម្រិតជាតិ និងអន្តរជាតិ។