ការស្រាវជ្រាវ និងការអភិវឌ្ឍន៍

CMAC ផ្តល់អាទិភាពដល់សមត្ថភាពដោះមីនដែលមានគុណភាពខ្ពស់ តាមរយៈការបណ្តុះបណ្តាល និងសកម្មភាពស្រាវជ្រាវ និងអភិវឌ្ឍន៍(R&D) ដោយយកចិត្តទុកដាក់។ នៅក្នុងបរិបទវិស័យសកម្មភាពមីន ដែលកំពុងវិវឌ្ឍន៍នាពេលបច្ចុប្បន្ននេះ CMAC ចាត់ទុកការស្រាវជ្រាវ និងអភិវឌ្ឍន៍ ជាធាតុផ្សំដ៏សំខាន់ក្នុងកិច្ចខិតខំប្រឹងប្រែងសកម្មភាពមីនរបស់ខ្លួន ដោយសារវាបានដើរតួនាទីយ៉ាងសំខាន់ ក្នុងការរួមចំណែកដល់សមិទ្ធិផលនៃការបោសសម្អាតគ្រាប់មីន/សំណល់ជាតិផ្ទុះពីសង្គ្រាម នៅក្នុងព្រះរាជាណាចក្រកម្ពុជា។ បើគ្មានការស្រាវជ្រាវ និងអភិវឌ្ឍន៍ទេ ដំណើរការបោសសម្អាតនឹងមានភាពយឺតយ៉ាវ ដែលមិនអាចទទួលយកបាន ដែលអាចបង្កឲ្យមានមានគ្រោះថ្នាក់ និងគ្មានប្រសិទ្ធភាពល្អ។
ផលពិបាកដែលចម្បងបំផុតមួយនៃការស្រាវជ្រាវ និងអភិវឌ្ឍន៍ គឺឧបករណ៍ដោះមីន និងឧបករណ៍ប្រើប្រាស់ឈានមុខ ដូចជាម៉ាស៊ីនរាវរកមីន គ្រឿងចក្រកម្ទេចមីន និងគ្រឿងចក្រកាត់គុម្ពោធព្រៃជាដើម។ ដែលទាំងនេះ បានជួយបង្កើនសុវត្ថិភាព ផលិតភាព និងប្រសិទ្ធភាពយ៉ាងខ្លាំងនៅក្នុងវិស័យសកម្មភាពមីន។ ដូច្នេះហើយទើប CMAC បានរក្សាកិច្ចខិតខំប្រឹងប្រែងការស្រាវជ្រាវ និងអភិវឌ្ឍន៍របស់ខ្លួន ដើម្បីបង្កើតឧបករណ៍ដោះមីន និងឧបករណ៍ប្រើប្រាស់ទំនើបៗ ដែលផ្តល់លទ្ធផលវិជ្ជមាន។

នៅទីបញ្ចប់ បច្ចុប្បន្នCMAC កំពុងធ្វើការស្រាវជ្រាវ និងអភិវឌ្ឍន៍លើការសិក្សាចំនួន 08ផ្សេងគ្នា រួមមាន
ការដោះមីនដោយមនុស្សយន្ត Robot-5 (DMR-5)
ការបណ្តុះបណ្តាលលើប្រព័ន្ធរូបភាពគ្រាប់មីនទំនើប (ALIS) ដល់ SESU នៃប្រទេសអ៊ុយក្រែន ការបណ្តុះបណ្តាលផ្ទៃក្នុងស្តីពីការប្រើប្រាស់ និងថែទាំ ALIS ការសិក្សាលើការប្រើប្រាស់ និងថែទាំរបស់ប្រទេសអាល្លឺម៉ង់ Vallon VMH3 ការវាយតម្លៃលើ ALIS នៅអ៊ុយក្រែន ការធ្វើតេស្តប្រតិបត្តិការរបស់ Drone dji Mavic 3pro ការធ្វើតេស្តប្រតិបត្តិការនៃ Vallon Ferrous Locator VXT1 និងការថែទាំឧបករណ៍កាត់ព្រៃគុម្ពោធ។