រោងជាងកណ្ដាល គឺជាអង្គភាពឯកទេសកម្រិតខ្ពស់មួយទៀតនៅក្នុង CMAC ដែលដើរតួនាទីយ៉ាងសំខាន់ក្នុងប្រតិបត្តិការដោះមីនក្នុងព្រះរាជាណាចក្រកម្ពុជា។ រោងជាងកណ្ដាលត្រូវបានបង្កើតឡើង នៅពេលចាប់ផ្តើមសកម្មភាពដោះមីន ដើម្បីធានាបាននូវគុណភាព និងលក្ខខណ្ឌនៃយានជំនិះ ម៉ាស៊ីនដោះមីន និងធ្វើការជួសជុលចាំបាច់របស់ CMAC។ បើគ្មានការគាំទ្រពីរោងជាងកណ្ដាលទេ ការងារដោះមីននឹងមិនអាចធ្វើទៅបាននោះទេ។ បន្ថែមពីលើការងារដែលបានបញ្ចប់នោះ អ្នកជំនាញជួសជុលនៃរោងជាង ក៏បានផ្តល់ការណែនាំសំខាន់ៗ ដល់ប្រតិបត្តិករអ្នកបញ្ជាគ្រឿងចក្រ អំពីរបៀបប្រើប្រាស់ និងវិធីថែទាំយានយន្ត ព្រមទាំងគ្រឿងចក្រកម្ទេចមីន ក្នុងស្ថានភាពល្អប្រសើរបំផុត។
ក្នុងឆ្នាំ2023 រោងជាងកណ្ដាលបានជួសជុលរថយន្តចំនួន 188 គ្រឿង ដែលក្នុងនោះរួមមានរថយន្ត និងរថយន្តធុនធ្ងន់ ហើយបានផ្តល់សេវាផ្សេងៗសរុបចំនួន 346 គ្រឿង និងរថយន្តដឹកទំនិញចំនួន 80 គ្រឿង។
នៅឆ្នាំ2023 រោងជាងកណ្ដាលបានផ្តល់សេវាកម្មជួសជុលពិសេស សម្រាប់គ្រឿងចក្រកម្ទេចមីន ចំនួន 64 គ្រឿង និងផ្តល់សេវាគ្រឿងចក្រកម្ទេចមីនចំនួន 68 គ្រឿង។
